Непријатен момент му се случи на тетовскиот градоначалник и лидер на Беса, Биљал Касами, на официјалниот прием во Валона по повод Денот на албанското знаме и 113 години независност.
На видео објавено на социјалните мрежи се гледа како албанскиот премиер Еди Рама се поздравува со дел од присутните, меѓу кои и со министерот Фатмир Лимани, но го заобиколува Касами и продолжува понатаму, без воопшто да му упати поздрав. Снимката предизвика бројни реакции.
Дел од коментарите го поврзуваат игнорирањето со блиските односи меѓу Касами и косовскиот премиер Аљбин Курти, со кој Рама има затегнати односи. Други сметаат дека Рама едноставно не го препознал Касами во гужвата.
https://www.facebook.com/reel/4213152502290656/?t=1
