Министерот за одбрана Владо Мисајловски заедно со министрите за одбрана на земјите од регионот, утре, 27 ноември 2025 година, во Сараево, Босна и Херцеговина, ќе учествува на состанокот на министри за одбрана на земјите од Југоисточна Европа кои се дел од иницијативата SEDM – South East Defence Ministerial.
На состанокот е предвидено да се разговара за клучните безбедносни предизвици на глобално ниво кои имаат влијание врз целиот регион, како и за натамошниот развој на овој процес во чии рамки функционира и Бригадата на Југоситочна Европа (SEEBRIG).
Во Босна и Херцеговина министерот Мисајловски ќе ги посети и припадниците на македонската Армија кој даваат придонес во операцијата на Европската Унија, EUFOR – ALTHEA и ќе оствари средба со командантот на EUFOR, генерал-мајор, Флорин-Мариан Барбу.
