Обилните врнежи што ја зафатија Тетово повторно предизвикаа поплави на повеќе градски улици, создавајќи проблеми во одвивањето на сообраќајот и во секојдневните активности на граѓаните.
Екипите на Р.Е. „Канализација“ излегоа на терен уште за време на дождот и интервенираа на најкритичните точки, со цел да спречат поголеми штети и да го нормализираат одводот. Од претпријатието информираат дека биле ангажирани сите расположливи ресурси за брзо расчистување на водата и за заштита на инфраструктурата.
