Италијанскиот тенисер Лоренцо Мусети остана во игра за место во АТП финалето, турнир што започнува во Торино в недела откако вчера се пласираше во финалето на турнирот во Атина.
Мусети во полуфиналната пресметка против Американецот Себастијан Корда спаси меч-топка, триумфирајќи со 2-1 во сетови (6-0, 5-7, 7-5) по два часа и 22 минути.
Во финалето, Мусети ќе игра против српскиот тенисер Новак Ѓоковиќ, кој претходно рутински со 2-0 во сетови го совлада Германецот Јаник Ханфман.
