Вечерва во центарот на Гостивар, во близина на црквата, се случил филмски грабеж во кој, според првичните информации, ограбена е златара од страна на неколку вооружени лица.
Како што дознава Инфомакс, разбојниците биле вооружени со автоматско оружје – калашникови, а за време на бегството фрлиле бодликави жици на неколку локации во центарот на градот за да ја спречат полицијата да ги следи.
На местото на инцидентот веднаш пристигнала полицијата и е во тек интензивна потрага по сторителите.
Засега нема информации за повредени лица, а полицијата презема мерки за целосно расчистување на случајот.
