Американскиот претседател Доналд Трамп изјави дека САД нападнале брод за кој се тврди дека транспортирал дрога во регионот на Јужната команда (SOUTHCOM), која ги опфаќа Јужна и Централна Америка, како и Карибите.
Трамп на социјалната мрежа „Truth Social“ изјави дека Пентагон го наредил нападот, во кој загинале тројца членови на наркотерористичка група.
Трамп додаде дека разузнавачките агенции потврдиле дека бродот шверцувал нелегални наркотици и дека користел познати рути за шверц на дрога што би можеле да ги загрозат американските граѓани.
Сепак, американскиот претседател не даде точни детали за потеклото на бродот или локацијата на нападот.
Нападот се случи во време на зголемена воена активност во регионот, вклучително и испраќање на пет американски авиони Ф-35 во Порторико, откако администрацијата на Трамп нареди испраќање дополнителни борбени авиони „стелт“.
Најмалку седум американски воени бродови, како и една нуклеарна подморница, моментално се наоѓаат во областа.
