Скопјани синоќа имаа ретка можност да уживаат во астрономски феномен – крвава месечина. Ноќното небо над главниот град беше обоено со црвеникави нијанси поради целосната затемнетост на Месечината.
Овој впечатлив настан се случува кога Земјата се наоѓа помеѓу Сонцето и Месечината, а сенката на планетата ја прекрива Месечината, оставајќи ја во темноцрвен отсјај. Крвавата месечина отсекогаш предизвикувала внимание и мистични толкувања, но денес претставува пред сè природен спектакл кој фасцинира со својата убавина.
Фотографијата е направена од Марио Андоновски во Скопје и уште еднаш потсетува дека најубавите небесни настани често се случуваат пред нашите очи.
