Општина Лозово и во претстојната нова учебна година ќе обезбеди ваучери од 4.000 денари за сите ученици кои оваа есен ќе почнат во прво одделение. Средствата се наменети за набавка на училишен прибор и облека, како поддршка за родителите во подготовките за новата учебна година.
Градоначалникот Бошко Цветковски информира дека Одлуката едногласно е донесена на последната седница на од Советот на Општина Лозово.
Тој потенцира дека оваа мерка е дел од заложбата на локалната власт за помош на семејствата и вложување во иднината на децата.
-Модерно и квалитетно образование со задоволни ученици, родители и наставници е нашиот врвен приоритет. Затоа, продолжуваме да ги слушаме потребите од образовната заедница и да креираме квалитетни мерки, кои ќе донесат добри резултати, потенцира Цветковски.
