На социјалните мрежи денеска се шири апел за помош во потрагата по струмичанецот Роберт Дрвошанов (39), кој е пријавен за исчезнат вчера во 14:00 часот, пренесува порталот Струмички.
Според информациите, во моментот на исчезнувањето Роберт бил облечен во црвени шорцеви, кафенкаста маица, црна капа и бели патики, а со себе носел и црн ранец.
Од семејството упатуваат апел до сите граѓани кои имаат какви било сознанија за неговото движење или можната локација, да се јават на телефонскиот број 077/619-822, кај неговата мајка, Љубинка Дрвошанова.
Семејството и пријателите повикуваат на солидарност и брза реакција со цел Роберт да биде пронајден во најкус можен рок.
