На јавниот повик на Владата во врска со активната мерка од оперативниот план за 2025, јавни работи за заштита и превенција од пожари и оплеменување на животната средина на локално ниво (пошумување) – (пилот мерка) се пријавија 499 кандидати, информираше денеска директорот на Дирекцијата за заштита и спасување, Стојанче Ангелов.
Од нив, на обука се појавиле 364 кандидати а 352 лица успешно ја минале обуката.
„По завршената дводневна теоретска и практична обука изведена во координација со претставници на Дирекцијата за заштита и спасување како и територијалните противпожарни единици на градот каде што се одвиваше обуката, понатаму ќе продолжат 352 лица кои во текот на утрешниот ден ќе потпишат договор за работно ангажирање за јавни работи со Агенцијата за вработување каде како партнер се јавуваат и Дирекцијата за заштита и спасување и соодветната општина која е дел од оваа владина мерка“ вели Ангелов.
