Полската влада подготвува прирачник за тоа како луѓето да се однесуваат во случај на војна или природна катастрофа, изјавил неименуван претставник од Министерството за внатрешни работи на Полска.
Тој навел дека целта на прирачникот е да се зајакне националната подготвеност поради зголемените регионални неизвесности, вклучувајќи го и конфликтот во соседна Украина.
Брошурата со наслов „Водич за безбедност“, која содржи 40 страници, дава совети за набавка на чиста вода, реагирање во случај на воздушен напад или прекин на електрична енергија, како и лоцирање на засолништа од бомби.
