Центарот за управување со кризи информира дека утрово трите хеликоптери (два на МВР и еден на АРМ) во 05.00 часот почнаа со дејство над пожарот на територијата на Општина Чучер Сандево, селата Чучер и Блаце.
На пожарот дејствуваат и силите на БППЗ на Град Скопје со повеќе екипи и ПП возила, ЈКП од Општината, Црвен крст со еден базен од кој хеликоптерите полнат вода, како и тимови со ПП возила на ДЗС.
ЦУК е во постојана комуникација и координација со сите надлежни институции на терен, a според нивните информации денеска има дури 12 пожари на отворено.
