Соопштение на ВЛЕН:
ВЛЕН денес повеќе од кога било го потврдува своето политичко и институционално единство. Сите наши партии и претставници се синхронизирани во визијата, целите и одлуките. ВЛЕН е обединето тело кое дејствува одговорно кон граѓаните и со решителност на политичката сцена.
Обидите на ДУИ преку Таравари да предизвика земјотрес во ВЛЕН се целосно неуспешни. Обидот за поделба се претвори во политички бумеранг за самите автори. Ова докажува дека ВЛЕН не е случајна коалиција, туку сериозен политички проект со силна основа и јасна визија за иднината.
Денес, ВЛЕН гарантира стабилност со бројки во владата, како важен столб на парламентарното мнозинство и новиот пат на управување што се воспоставува во земјата. Ние сме посветени на унапредување на интересите на албанците, борба против корупцијата и овозможување државата да биде функционална за сите граѓани.
Во наредните денови се очекуваат нови политички случувања што дополнително ќе ја зајакнат водечката улога на ВЛЕН во албанскиот блок и ќе ја позиционираат како авангардна сила на промените на албанската политичка сцена.
ВЛЕН не се плаши од старите политички превирања. ВЛЕН е токму земјотресот што го соборува скапаниот систем на ДУИ и го носи новиот дух на достоинствено, чесно и храбро претставување.
