Попладнево во Македонија имаме сончево и многу спарно и мачно време. Сепак, од запад полека облачноста се зголемува, и токму во овие делови во следните часови ќе има појава на локален пороен дожд и услови за појава на грмежи, како и со засилување на ветерот во зоната на нестабилност.
Поради изразеното јужно и југозападно воздушно струење, и понатаму во воздухот кај нас е присутна Сахарската прашина и песок, па токму поради тоа атмосферата е заматена и времето е мачно и спарно, а температурите ги чувствуваме како да се повисоки од реално измерените.
На табелата можете да ги погледнете температурите измерени по градови и места во нашата Македонија попладнево до 14 часот, и тоа на мерните станици на УХМР.
