Претседателот на ЗНАМ, Максим Димитриевски, ги нарече лични ставови и видувања неодамнешните меѓусебни дискредитации помеѓу пратеникот Антонијо Милошоски и министерот за правда Игор Филков. Според него, таквите коментари не ја загрозуваат владината коалиција, која останува стабилна.
„Можеби и во иднина ќе слушаме вакви изјави, но важно е дека Владата и парламентарното мнозинство функционираат без проблеми“, истакна Димитриевски во гостувањето на ТВ Сител.
Тој ја коментираше и лидерската средба меѓу Христијан Мицкоски и Венко Филипче, нагласувајќи дека дијалогот во политиката е неопходен, но дека „креаторот на проблемите не треба повторно да биде креатор на решенијата.“
