Два месеци откако мистериозно исчезна 28 годишниот неготинчанец Миле Тодоров, негови блиски молат за помош за негово пронаоѓање и бараат случајот да не се заборави.
– Точно два месеца поминати од исчезнувањето. Не сакаме ние како семејство на Миле, неговото исчезнување да биде заборавено и ставено во фиока, како предмет на расчистен случај. Ги замолуваме јавно надлежните институции и медиумите да се расветли случајот што поскоро, апелираа денеска и негови блиски преку објави на Фејсбук.
Тодоров последен пат бил виден во Марена во јануари околу 10:30 часот носејќи работничко одело со бело палто и црн елек. Претпоставка е дека пеш тргнал од Кавадарци кон Неготино.
