30-годишен маж во четвртокот во Амстердам нападна пет лица со нож. Денес се потврди дека осомничениот е Украинец од областа Доњецк.
Нападот се случи во близина на плоштадот Дам. Тој со различни ножеви повредил пет лица, кои ги одбрал по случаен избор. Мажот бил уапсен бргу по нападот со помош на случајни минувачи.
Полицијата не објавила повеќе информации за неговиот мотив.
Жртви се 26-годишен маж од Полска, 73-годишна Белгијка, 19-годишна жена од Амстердам и 67-годишна жена и 69-годишен маж, двајцата американски државјани.
Полјакот бил отпуштен вчера, додека останатите жртви остануваат во болница во стабилна состојба, соопшти полицијата.
