Некои луѓе на Запад не ја разбираат Русија, но овој факт не го попречува развојот на земјата, изјави рускиот претседател Владимир Путин, пренесоа руските медиуми.
Рускиот претседател оваа изјава ја даде вчера за време на состанокот на надзорниот одбор на организацијата „Движење на првите“, руска организација за деца и млади.
-Има луѓе на таканаречениот Запад кои не ја разбираат Русија. Но, тоа не не спречува да живееме и да се развиваме. Тоа само треба да не мотивира да го зголемиме бројот на луѓе кои не разбираат и сакаат да живеат со нас во мир и пријателство, рече Путин.
Таквата цел може да се постигне со обемна работа со младите, нагласи тој.
„Во оваа област не чека успех доколку активно и ефективно работиме со младите, децата, тинејџерите, оние кои ги креираат темелите на иднината на земјата и ја ценат оваа земја“, додаде тој.
