Македонската пејачка Ребека Јанковска Ристевски вечерва упати апел за молитва за сите повредени во трагедијата во Кочани. Таа објави дека Владимир, попознат како Панчо од ДНК, е на апарати, а неговата здравствена состојба е влошена.
„Да се молиме за сите кои се борат за живот вечерва. Да се помолиме и за Владимир Панчо, мојот мал Буцо од детството, кој ме носеше на пица да ме части, а имаше само 12 или 13 години. Буцо кој е голем борец, патриот, хуманитарец, уметник! Молитвата е моќна кога е од срце. Господ да се смилува и сите кои преживеаа, а се во тешка состојба, да ги исцели и да им дари живот“, напиша Ребека.
Според објавата, Владимир е префрлен во Систина, каде што лекарите се борат за неговиот живот. Трачјеата му е оштетена од вдишан топол дим, поради што е ставен на апарати.
„Панчо мил, те молам не се предавај!!!“ – напиша таа, повикувајќи на заедничка молитва за него и сите повредени во трагедијата.
