Метео анализа на Славчо Попоски:
Во моментов особено во западните и во источните предели од нашата Република Македонија има локална појава на пороен дожд, грмежи и силен ветер од јужен правец. Во текот на денешниот ден (четврток 13 март) врнежите ќе престануваат.
До сабота (15 март) ќе дува силен ветер од јужен и од југозападен правец (повремено и локално со брзина дури до околу 80 км/час). И во Скопје и околината повремено ќе дува силен ветер од јужен и од југоисточлен правец.
Поради силното јужно и југозападно воздушно струење, од Сахара кон нашата Република Македонија и понатаму се врши транспорт на прашина и на песок, со што и Атмосферата е позначително заматена, а времето е многу мачно и спарно.
Ш то се однесува до температурите, тие особено до сабота ќе бидат рано – летни и ќе бидат невообичаено високи за овој период од годината. Односно, тие речиси насекаде ќе надминуваат 20 степени, а на повеќе места тие ќе се искачат и до околу 25 степени. Во Повардарието температурите очекуваме да достигнат дури до околу 30 степени. Во Скопје за време на овој период температурата ќе се искачува близу 30 степени.
