Редовните контроли и прегледи се најважниот чекор кон превенција на човековото здравје, порача вечерва психологот д-р Мирјана Стојановска – Јовановска на поткаст ЗРАК со д-р Марина.
Тема на последната епизода од поткастот беше важноста на семејствата во поддршката на нивни заболени од рак и други тешки болести.
Стојановска – Јовановска порача дека улогата на блиските е мошне важна во борбата против болеста, но и за моментот на превенција.
“Оние кои боледуваат од депресија никогаш не би станале од кревет и не би направиле ништо, затоа тука се важни токму најблиските на лицето кое болува од некоја болест“ рече таа.
Психологот истакна и дека многу луѓе ги занемаруваат симптомите на некоја болест и одбиваат прегледи а сето тоа е последица на некој страв.
„Многу од луѓето, со таквата немарност, велејќи „ќе помине“ и „ништо не ми е“ всушност го кријат својот страв“ заклучи Стојановска – Јовановска
