Шумски пожар беснее низ богат дел на Лос Анџелес, уништувајќи домови додека 30.000 луѓе се евакуирани под огромните облаци од чад што прекриле голем дел од градот.
Изгореа најмалку 510 хектари од областа Пацифик Палисадес, меѓу Санта Моника и Малибу, соопштија властите откако веќе предупредуваа за екстремна опасност од пожар поради силните ветрови што пристигнаа по долга суша.
Flames have erupted at Palisades Charter High School. #PalisadeFire pic.twitter.com/jNrXUjY24L
— Matthew Seedorff (@MattSeedorff) January 8, 2025
Противпожарната служба во Лос Анџелес соопшти дека една жена пожарникар е тешко повредена додека гасела пожар во Јужна Калифорнија.
Scene from my driveway in Pacific Palisades just before we evacuated #palisadesfire pic.twitter.com/WSenvEiuDc
— Prop The Mic🎙 (@ProptheMic) January 7, 2025
„Околу 20:30 часот, жена пожарникар (25) се здобила со сериозна повреда на главата. На местото на настанот и била укажана лекарска помош и е пренесена во локална болница“, напиша капетанот на противпожарната служба во Лос Анџелес, Ерик Скот на платформата X, објави Си-Ен-Ен.
Тој не кажа дали пожарникарката работела на гаснење на пожарите во предградието на Лос Анџелес, Пацифик Палисадес, или во Итон во Алтадена, кои беснеат во исто време.
