Утрово најстудено било во Берово каде што се измерени -7 степени, -6 степени било во Скопје Петровец, Битола, Струмица и Тетово, -5 во Штип и Велес, -4 во Скопје-Зајчев Рид, Демир Капија, Кавадарци, Прилеп и Крива Паланка, -3 во Гевгелија, -2 во Маврови Анови и Претор, -1 во Охрид и Виница, 0 во Попова Шапка, 1 во Крушево.
Висината на снежната покривка во 7 часот изнесувала 47 сантиметри во Маврови Анови, а 44 на Попова Шапка.
Времето во текот на ноќта и изутринава
Ведро и студено, на повисоките места со слаб до умерен ветер од променлив правец. Утрово во одделни котлини има појава на магла и во Демир Капија хоризонталната видливост е ограничена на 50 метри.
Времето денеска
Сончево со мала до умерена локална облачност и со слаб до умерен ветер од јужен правец. Претпладне по одделни котлини ќе има појава на магла. Максималната температура ќе достигне од 8 до 13 степени.
Во Скопје, сончево и претежно тивко со мала облачност. Претпладне во делови од котлината со појава на магла. Максималната температура ќе достигне до 9 степени.
