Aко некогаш сте се запрашале каде луѓето најуспешно ги балансираат работата и приватниот живот, ви го откриваме одговорот. „Травел магазин“ направил список на земји со најдобар баланс помеѓу работата и животот врз основа на неколку клучни фактори: просечни работни часови неделно, должина на одмор, квалитет на спиење, очекуваниот животен век и општото чувство на среќа кај испитаниците. Првото место на листата го има Луксембург.
Оваа земја го зазеде првото место благодарение на нејзините исклучителни стандарди. Една од причините за тоа е системот кој ги наградува постарите вработени со дополнителни денови за одмор. Така, работниците над 55 години имаат просечно 36 дена платен годишен одмор.
Дополнително, просечната плата во Луксембург е околу 5.000 евра, а повеќе од 65% од жителите поседуваат сопствен автомобил. И покрај малата популација од околу 600.000 луѓе, квалитетот на животот во оваа земја се смета за еден од најдобрите во Европа.
Австрија и Данска се на второто и третото место, нудејќи им на своите вработени минимум 25 дена платен одмор годишно. Од друга страна, Соединетите Американски Држави се рангирани на 87. место. Причината за тоа е немањето законски гарантирано платено слободно време и но и големото незадоволство од квалитетот на сонот кај населението.
