Утрово во 01:20 часоот, во Скопје беше почувствуван слаб земјотрес со јачина од 2.5 степени според Рихтеровата скала. Според првичните податоци, епицентарот на земјотресот се наоѓал 11 километри северно од Скопје, во близина на косовската граница, на длабочина од 13.4 километри.
Иако потресот бил со слаб интензитет, граѓаните на главниот град го почувствуваа, особено во повисоките згради.
„Бев дома кога одеднаш почувствував како сè се затресе. Иако беше кратко, беше доволно силно за да го осетам,“ изјави еден од жителите на Карпош.
Сеизмолозите информираат дека вакви потреси се вообичаени за овој регион, кој е познат по својата сеизмичка активност. Тие апелираат до граѓаните да останат смирени и да следат упатства од надлежните служби.
Во моментов нема пријавени штети или повредени лица. Надлежните служби продолжуваат да ја следат состојбата и апелираат на внимателност, особено доколку има последователни потреси.
Земјотресите се потсетник за важноста на подготвеноста и информираноста, особено во региони како Скопје, кој во минатото бил погоден од посериозни сеизмички активности.
Неколку минути предходно информиравме и за земјотрес во Гевгелија со 3.2 степени по Рихтер.
