Премиерот Христијан Мицкоски, за време на посетата на Брисел, по средбите со новиот комесар за проширување, Марта Кос, и новиот претседател на Европскиот совет, Антонио Кошта, изјави дека Владата останува фокусирана на реформите и европската агенда.
– На средбите во пријателска и конструктивна атмосфера разговаравме за предизвиците кои ги надминавме и за нашите чекори во насока на европските вредности. Сепак, повторно потврдив дека ултиматуми не прифаќаме. Подготвени сме за дијалог и заеднички решенија со цел отворање на првиот кластер и забрзување на процесот за членство во ЕУ, истакна Мицкоски.
Тој додаде дека Владата останува посветена на обезбедувањето подобар живот за граѓаните, при што клучна инспирација е интеграцијата на државата во европското семејство.
