Министерот за надворешни работи Тимчо Муцунски, денеска беше сослушан од Комисијата за надворешни работи на Европскиот парламент. Во воведните зборови тој изјави дека Македонија е подготвена со добра волја да бара решенија со Бугарија.
Муцунски дел од времето посвети на односите меѓу двете земји и раскажа лични спомени поврзани со Бугарија, кои ги наведе како пример за длабочината на заедничките врски изградени со генерации. Сега овие врски се загрозени од политичките потези во последните години, кои донесоа недоверба меѓу двата народа, ги поткопаа темелите на нашето добрососедство, коментира тој.
„Бугарското вето за продолжување на процесот на проширување на ЕУ е крајно болно, испраќа обесхрабрувачки сигнали, влијае на меѓусебното почитување и дозволува билатералните прашања да влијаат на процесот на проширување“, додаде тој.
„Нашиот народ и влада остануваат посветени на дијалогот и помирувањето. Подготвени сме со добра волја да бараме решенија кои се конзистентни со минатото и придонесуваат за градење подобра иднина. Ова мора да биде заеднички напор кој бара меѓусебно почитување и разбирање. Повикуваме Бугарија да го сподели овој напор со нас во градењето односи во вистинскиот дух на европската соработка“, истакна Муцунски.
„Го сменивме државното знаме, неколку пати го менувавме Уставот, го сменивме името на државата. Овие одлуки не беа лесни, за нас беа жртви, но бевме охрабрени да веруваме во европското ветување. Бевме убедени дека преку дијалог и отстапки што би ги постигнале – светла иднина во европското семејство. Откако беа направени промените, гласовите однадвор ги оценија како демонстрација на храброст и чекор напред за целиот регион. Настаните што следеа не ги исполнија ветувањата и секогаш кога ќе надминевме пречка, пред нас се појавуваше нова – нефер, неочекувана и обесхрабрувачка“, резимира министерот, пренесува БТА.
„Прашањето за името на нашата земја, покренато од Грција, го решивме со договорот од Преспа. Веднаш потоа се појави нова пречка, која не е поврзана со нашите реформи и напредок, ниту со нашата подготвеност за влез во ЕУ. Тоа ја поткопа довербата во процесот и засегнатите очекувања на граѓаните дека направените жртви ќе доведат до ветената иднина, не е само политичка цел, туку и можност за длабока промена, додаде Муцунски, кој разговараше со европратениците во Брисел на англиски јазик.
