Раде Трајковски-Штекли е надвор од животна опасност и нема сериозни повреди, дознава „24 Инфо“ од извори во болницата. Според нив, тој поминал со помали телесни повреди по експлозијата на бомба фрлена во неговата семејна куќа.
„Стабилна здравствена состојба, вон животна опасност, испитувања се прават во моментов,“ потврдуваат болнички извори за „24 Инфо“.
Лицата кои го извршиле нападот сѐ уште не се идентификувани и приведени. Според информациите од Министерството за внатрешни работи, во инцидентот нема други повредени. Ова е трет напад врз Штекли, кој претходно преживеа два обида за ликвидација во трговскиот центар „Ист Гејт Мол,“ при што беше ранет во белодробното крило, но успеа да се спаси.
