Последните години просечната исплатена нето плата во Македонија бележи континуиран раст, но дали таквиот раст е доволен да се стигнат земјите прво од регионот, а потоа и од ЕУ?
Според последните податоци од Државниот завод за статистика (ДЗС), просечната нето плата изнесува околу 41.000 денари, односно околу 668 евра.
Со тоа, Македонија е на дното во споредба со соседните држави како Србија, Црна Гора, Словенија, Хрватска, БиХ…
Во Србија просечната плата е 836 евра месечно, во БиХ е 710, Црна Гора 861 евро.
Во земјите членки на ЕУ од регионот, како што се Хрватска и Словенија таа изнесува 1324, односно 1495 евра.
Според податоците на Државниот завод за статистика просечната плата за август изнесува 41.097 денари и е помала дури од онаа во мај – 41.252 денари, а е речиси иста со платата во април, која изнесуваше 41.085.
Она што загрижува е тоа што цените постојано растат, додека пак просечната плата се намалува.
И додека Владата најавува дека платите ќе се зголемат идната година, стотици илјадници граѓани едвај врзуваат крај со крај
