Во атарот на струшкото село Глобочица денеска околу пладне е пронајдено безживотното тело на 60-годишниот жител на Струга, кој пред два дена беше пријавен за исчезнат, портпаролот на СВР Охрид.
Според него, телото на К.М. било без траги на насилство, а смрт констатирала медицинска екипа.
Увид на местото извршила полициска екипа во присуство на јавен обвинител. Телото на починатиот е предадено на обдукција.
Лицето било пријавено за исчезнато во понеделникот доцна попладнето во реонот на селото Брчево.
Тој собирал шумски плодови и не се вратил во својата викенд куќа, а не можело да се воспостави ниту телефонска комуникација.
По него трагаше екипа на полицијата, Планинската спасителна служба (ПСС) при Црвен крст Охрид и локално население.
The post Tажна вест: Исчезнатиот стружанец пронајден мртов appeared first on 24info.mk.
