Метео анализа на Славчо Попоски:
Утре (недела) продолжува променливото време, претпладне претежно суво, додека во попладневните часови повторно ќе има повремени локални врнежи од дожд, и истите локално ќе бидат пообилни и проследени со грмежи и засилување на ветерот.
И во делови од Скопскиот регион утре (недела) попладне ќе има повремен локален дожд, локално пообилен и проследен со грмежи и засилување на ветерот.
Што се однесува до температурите, тие ќе се искачуваат во интервалот од 18 до 26 степени, додека во Скопје температурата ќе се искачи до околу 22 степени.
Од понеделник ќе имаме стабилизирање на времето, со постудени утра, додека максималните температури ќе бидат во поголем пораст, а исклучок ќе биде само среда кога ќе има услови за локален дожд.
