Вирална снимка од свадба во Романија предизвика бура на социјалните мрежи, откако се појави видео каде што гостите на церемонијата ставаат пари во градите на невестата. На снимката може да се види како невестата стои мирно, додека група од гости постојано ја допираат и туркаат пари во нејзиниот фустан. Многумина се прашуваат дали станува збор за некаков традиционален обичај или за непристојно однесување од страна на гостите.
Нејасно е дали ова е дел од свадбените обичаи во тој регион или едноставно гостите се почувствувале слободно да се однесуваат на ваков начин. Меѓутоа, тоа што е сигурно е дека видеото брзо се прошири на социјалните мрежи, предизвикувајќи лавина од коментари. Некои гледачи се пошегуваа на темата: „Јас ќе им кажам на гостите да не купуваат пликоа, туку вака да ми ги дадат парите“, додека други беа крајно негативни, нарекувајќи го настанот „најдегутантна сцена што некогаш ја виделе“.
Машала машала pic.twitter.com/FYed7Pcpxc
— Gilotinja (@gilotinja) September 13, 2024
Друг корисник се запраша како младоженецот реагирал на ваквото однесување: „Јас не би дозволил пред мои очи некој вака да ја допира мојата жена, и тоа уште на свадба.“ Според многу коментари, ова однесување е понижувачко за невестата и неприфатливо, и покрај тоа што можеби се работи за локален обичај.
Овој инцидент го отвори прашањето за границите на традициите и за тоа како модерните обичаи можат да бидат сфатени различно во ерата на социјалните мрежи.
