Во текот на вчерашниот ден имаше вкупно 22 пожари на отворен простор ширум државава.
Од нив, активен е еден, еден е ставен под контрола, изгаснати се 20, соопштија утрово од Центарот за управување со кризи (ЦУК).
Како што појаснија, активен е пожарот на територија на општина Штип, меѓу селата Едеклерци и Хаџи-Хамзали, префрлен на армискиот полигон „Криволак“.
Таму, се додава во соопштението, горат нискостеблеста шума и сува трева. Пожарот на границата меѓу општините Долнени и Чашка е ставен под контрола. Опожарена е мешана шума во овој предел.
