Утрински Весник
Скопје

ОДАС бара од Град Скопје да обезбеди достапен и навремен јавен превоз за учениците и студентите

Sp.png

Организацијата за дијалог и афирмација на средношколците и студентите – ОДАС од Град Скопје бара до почетокот на учебната година да обезбеди автобуси кои ќе сообраќаат навремено и ќе бидат достапни за учениците и студентите да може непречено да одат на настава.

Во допис до медиумите ОДАС укажува дека „нефункционалниот и несигурен јавен превоз може да ги остави средношколците и студентите без начин да стигнат на училиште или факултет“.

-Тековниот застој и прекин во системот на јавен превоз во Град Скопје доведе до можноста учениците и студентите да останат без сигурен и достапен начин да стигнат до училиште или факултет. Недостигот на сигурен јавен превоз стана пречка за достапното образование на многу ученици и студенти. Од Градот Скопје бараме да се посветат на решавање на овој проблем до септември, односно до почетокот на академската година, при што ќе се обезбедат безбедни и функционални автобуси и ќе се обезбеди навременост на линиите, пишува во реакцијата на ОДАС.

Можете да прочитате

Ѓорѓиевски: Нови машини за почисти училници и ходници во скопските средни училишта

Над 40 сликари од сите албански краишта ќе се соберат во Скопје на деветтото издание на уметничката колонија „Скопје на платно”

Герасимовски: Целосно реконструирано детското игралиште зад Универзална сала, поставени тобогани, реквизити и урбана опрема