Утрински Весник
Економија

Народна банка потпиша меморандум со Клубот Алпбах за унапредување на финансиската писменост

Potpishuva E Memorandum Alpbah 1.jpg

Преку градење партнерства и вклучување на сите заинтересирани финансиски институции, асоцијации и граѓански здруженија, Народната банка работи на зајакнување на свеста и унапредување на финансиската едукација на широка основа. За таа цел, во име на Народната банка и Здружението за поттикнување младинска соработка, промовирање мир и стабилност  ̶  МАКЕДОНСКА АЛПБАХ ЗАЕДНИЦА, гувернерката Анита Ангеловска-Бежоска и застапникот на здружението, Марко Палоски, потпишаа Меморандум за соработка.

Со Меморандумот се предвидува Народната банка да организира предавања, обуки и работилници за финансиска едукација за членовите на Здружението, како и за различни целни групи во соработка со Здружението. Здружението ќе соработува со централната банка преку предлози за проектни активности во доменот на финансиската едукација, како и преку организација на членовите за следење на едукативните активности и на материјалите. Преку соработката и проектните активности се отвораат нови можности за младите за едукација, проактивност и иновативност.

Во 2021 година беше донесена првата национална Стратегија за финансиска едукација и финансиска вклученост, изработена од финансиските регулатори, под водство на Народната банка. Стратегијата дава системска рамка за зајакнување на процесите на финансиската едукација и подигнување на нивото на финансиската писменост на населението. Од големо значење за процесите е зајакнувањето на координацијата и соработката помеѓу финансиските регулатори, приватниот финансиски сектор и граѓанскиот сектор. Соработката значи оптимално користење на ресурсите, постојано вложување напори и зголемена колективна одговорност во однос на поставените цели.

Можете да прочитате

Што е Брз Кредит? Водич за Основата и Предностите

Крстевска: Преку поддршка на зелените кредити и одговорното инвестирање на девизните резерви даваме придонес за зелените финансии 

Компаниите и странските инвеститори ги користат мерките од Отворен Балкан, Лидл ги препозна придобивките