ЈП Комунална хигиена Скопје апелира до сите општини во градот Скопје да внимаваат на законските обврски и можности кога станува збор за акциите за одлагање на кабаст отпад и градежен шут.
Имено, повиците за одлагање на кабаст отпад и градежен шут кои ги организираат скопските општини би требало да бидат спроведени со ресурси на општините, а доколку немаат такви ресурси на располагање, таквите акции се спроведуваат со претходен договор со ЈПКХС. Во спротивно, одлагањето на собраниот кабаст отпад и градежен шут во садовите за одлагање на отпад поставени од ЈПКХС е незаконски.
Поради оваа причина, од денес ЈП Комунална хигиена-Скопје ќе ја засили својата контрола на терен, а од градот Скопје ќе побараме да се засили инспекцискиот надзор, со цел откривање и санкционирање на незаконското одлагање на отпад во садовите на ЈПКХС.
