Центарот за управување со кризи (ЦУК) информира дека во последното деноноќие имало вкупно 2 376 повици на Единствениот повикувачки број за итни случаи 112. Од нив „реални“ биле 62,33%, а 37,67% биле за други потреби на граѓаните што не биле итни. Кон полиција биле упатени 64,33%, кон Итната медицинска помош 20,81%, кон пожарникарите 11,46%, а кон АМСМ 0,21% од реалните повици на 112.
Според ЦУК, имало и 910 повици за итни случаи на 112 што се вкупен збир од тие што биле за комбинирано решавање од „реалните“ повици (3,18%) и на тие што се именувани како „неитни повици“ (37,67%).
-Сите тие повици за итни случаи биле предмет на примање, на обработка и директно координирање за нивно решавање со институции и служби во Системот за управување со кризи (СУК), наведува ЦУК.
Вчера, информира ЦУК, имаше вкупно 24 пожари на отворено, од кои пет се активни, три се под контрола и 16 се изгаснати во последното деноноќие, согласно информациите добиени од регионалните центри за управување со кризи.
Активните пожари на отворен простор се во: Општина Лозово, кај с.Бикирлија, месност „Убого“, Општина Градско и кај Јаношево, Општина Неготино, каде гори ниска вегетација, Општина Македонски Брод , кај с.Тажево и с.Брезница, крак од пожарот кон ЈП „Јасен“ во правец кон месноста „Раставувачи за струја“ каде е зафатена борова шума, Општина Кочани, кај с.Главовица гори мешана шума, Општина Долнени, кај с.Долгаец и Маргари каде е зафатена висока трева и мешана деградирана шума и во Општина Демир Хисар, на Илинска Планина помеѓу селата Слоештица, Брежани и с.Плаќе каде интервенираатле 4 пожарникари од ТППЕ, 16 од ЈП „Национални шуми и 5 луќе од месното население, а гаснеле запалена ниска вегетација).
Трите пожари под контрола се во: Општина Старо Нагоричане, кај с.Ругинце каде горела ниска и мешана шума и во Општина Штип, кај с.Цршка каде горела ниска вегетација и во Општина Македонски Брод, кај с.Латово и с.Русјанци каде била зафатена мешана шума.
-Изгаснатите 16 пожари на отворено биле во: Општина Охрид, депонија Мауцкер (гореше ѓубриште); Општина Кратово, кај с.Татомир (каде што гореше мешана шума); Општина Босилово, меѓу с.Босилово и с.Турново (мешана шума); Општина Делчево, кај с.Очипала (ниска вегетација); Општина Гостивар, кај с.Чајле (ниска вегетација); Општина Старо Нагоричане, кај с.Степанце (ниска вегетација и грмушки); Општина Сарај, кај с.Семеиште, с.Чајлане и с.Арнакија (мешана шума); Општина Петровец, кај с.Бадар (ниска вегетација); Општина Желино:с.Лешница (ниска вегетација); Општина Берово, кај с.Будинарци (борова шума); Општина Струмица: с.Куклиш (депонија); Општина Гостивар, кај с.Чајле (ниска вегетација); Општина Крушево, имаше два (2) пожара, кај с.Саждево и кај с.Нерово (ниска вегетација) и во Општина Сарај, кај с.Дворце (ниска вегетација), наведува ЦУК.
