Британскиот тенисер Енди Мареј ќе се врати на теренот на 18 мај во Женева, објавено е денеска на веб-страницата на турнирот во тој швајцарски град.
Организаторите на турнирот од серијата 250 објавија дека на двократниот олимписки и трикратен гренд слем шампион му дале „широка карта“.
Турнирот во Женева ќе се игра од 18 до 25 мај, а меѓу попознатите тенисери ќе учествуваат Норвежанецот Каспер Руд и Американците Бен Шелтон, Тејлор Фриц и Томи Пол.
Мареј (36) така ќе има еден подготвителен турнир пред почетокот на Ролан Гарос, на кој нема настап од 2020 година.
Британецот е на пауза од март поради повреда на зглобот што ја заработи на Мастерсот во Мајами.
