Гласот ЗА Коалицијата за Европска Македонија е глас за зачување на темелите на државноста, демократските вредности, единството, стабилни етнички односи, безбедна и европска иднина на Македонија, порача вечерва во Македонски Брод претседателката на ЛДП, Моника Зајкова.
Таа, пристуните ги повика на осми мај да излезат во што поголем број и со заокружување на бројот еден на парламентарните и претседателските избори да ја обезбедат европската иднина на државата.
„И затоа од овде, од Македонски Брод, ве повикувам сите вас, ги повикувам сите граѓани, масовно излезете на гласање во среда и гласајте ЗА европска иднина, гласајте за европски стандарди и вредности. За иднината се работи. Изборот е еден, а вие го имате најмоќното оружје- правото на глас. Затоа дадете го вашиот глас за бројот еден затоа што се работи за сите нас, за нашата Македонија“ повика Зајкова.
