Арне Слот ќе биде новиот тренер на англискит фудбалски премиерлигаш Ливерпул откако „црвените“, како што пренесоа медиумите на Островот, се договориле со Феенорд за трансфер на Холанѓанецот.
Слот има договор со Феенорд до 2026 година, тимот од Ротердам не сакаше да го ослободи без соодветна отштета. Веста за постигнатиот договор меѓу двата клуба ја потврди и Фабрицио Романо. Според информациите од Холандија, Феенорд за да го ослободи Слот ќе добие меѓу 13 и 15 милиони евра. За 45-годишниот Арне, премиерлигашот Ливерпул ќе биде четврти клуб во неговата тренерска кариера, а прв надвор од Холандија.
