Израелскиот министер за национална безбедност Итамар Бен Гвир ја поздрави одлуката на Владата да одобри изградба на дополнителни затворски објекти и оцени дека решението за пренатрупаноста во израелските затвори е примена на смртна казна за палестинските затвореници.
„Задоволен сум што владата го одобри мојот предлог кој ќе им овозможи на израелските одбранбени сили да изградат 936 (вкупно 1.600) дополнителни затворски места за палестинските затвореници. Дополнителната конструкција ќе и овозможи на затворската служба да прими повеќе терористи и ќе донесе делумно решение за пренатрупаноста во затворите“, изјави Бен Гвир на платформата „Х“.
Тој го поздрави фактот што повеќето министри покажаа одговорност и лидерство за ова важно прашање.
„Смртната казна за терористите е вистинското решение за затворскиот проблем, дотогаш – мило ми е што владата го одобри предлогот што го предложив“, изјави лидерот на десничарската партија Еврејски сили.
