Академската истрага денеска утврди дека министерката за здравство на Норвешка, Ингвилд Кјеркол, плагијат на делови од магистерскиот труд, што е втор ваков случај годинава поврзан со владата во Осло.
Истрагата на Универзитетот Норд во Боде покажа дека тезата на Ингвилд Кјеркол од 2021 година содржи „многу посериозни грешки отколку невештина“.
Заклучокот на истрагата е дека на Ингвилд Кјеркол, која министерската функција ја извршува од октомври 2021 година, треба да и биде одземена магистерската диплома по здравствен менаџмент.
Четириесет и осумгодишната Ингвилд Кјеркол претходно тврдеше дека таа и нејзиниот коавтор не копирале тези на друг студент од 2015 година.
Норвешката министерка за високо образование Сандра Борк во јануари поднесе оставка, откако беше откриено дека во својот магистерски труд препишала делови од друг авторски труд, дури и со печатни грешки, пренесува РТ Балкан.
