Изборот на седиште во авионот изгледа како сосема банална работа, но точно каде ќе бидете сместени зависи од тоа колку ќе ви биде удобно патувањето.
Seat 11A воопшто не го препорачуваат експертите за патувања и објаснуваат зошто.
Искусните патници се добро упатени кога станува збор за патување со авион – тие секогаш знаат каде е најдобро да го ставите рачниот багаж, каде чувствувате најмалку турбуленции и од кое седиште можете да направите најмногу фотографии за на Instagram.
Меѓутоа, кога станува збор за подолги летови, удобноста е она што ја игра најважната улога. Токму затоа никогаш не треба да резервирате едно седиште во авион, бидејќи постојат големи шанси вашиот неколкучасовен лет да се претвори во кошмар.
Седиштето 11А е најлошото седиште во авионот
Според експертот Брена Рајан, седиштето 11А е дефинитивно седиштето на кое летот ќе биде најмалку удобно, бидејќи е до „ѕидот“ на авионот, а не до ходникот, а е и далеку од тоалетот. Во никој случај не е добар избор за патниците кои конзумираат многу течности за време на летот, па затоа почесто стануваат за да одат во тоалет.
Дополнително, ако сакате да фотографирате зајдисонца, исто така никогаш не треба да го избирате ова седиште, бидејќи нема прозорци. Наместо да гледате во небото, целиот лет ќе го поминете гледајќи во задниот дел од главата на патникот пред вас или во „ѕидот“ на авионот, изјави Рајан.
Седиштето 4C е можеби најдобриот избор
Според истражувањата, најдоброто седиште во авионот е седиштето 4C. Според експертот, тој се наоѓа веднаш до преминот, доволно е блиску до тоалетот, но не премногу блиску, така што кога вратата е отворена не допираат непријатни мириси до патниците. Ова место е за нијанса попространо, па патувањето, особено долгото, е многу поудобно.
Дополнително, имајќи предвид дека се наоѓа поблиску до излезната врата, патниците кои седат на ова седиште се меѓу првите кои излегуваат од авионот, што е особено важно за оние кои имаат прекачување и брзаат да фатат друг лет. Можеби нема да имате Instagram фотографии, но барем самото патување ќе ви остане драго сеќавање бидејќи нема да се превивате во седечка положба и нема да морате да цупкате во редот за тоалетот во случај на итност.
Извор: Трн.мк
