Во обраќањето на 28. Конгрес на СДСМ претседателот на партијата Димитар Ковачевски истакна дека ВМРО-ДПМНЕ нема собрано валидни потписи за нивната кандидатка за претседател Гордана Силјановска Давквоа.
„Самите се фатија во сопственитие лаги. ВМРО-ДПМНЕ нема собрано валидни потписи за кандидатурата и затоа ја поднесоа со потписи од 40ина пратеници. Нашите Општински организации за Пендаровски за половина ден собраа 22.000 потписи и ги поднесовме во ДИК“ рече Ковачевски.
Според него ВМРО-ДПМНЕ сака на голема врата да ги врати соработниците на Никола Груевски, а тоа се покажало и со носителите на листите на партијата на претстојните избори.
