Генералниот секретар Ѓорѓија Сајкоски ќе биде носител на листата за пратеници од ВМРО-ДПМНЕ и коалицијата во Изборната единица 5 на парламентаните избори. Ова денеска го изјави потпретседателот на партијата Александар Николоски
Со тоа, ВМРО-ДПМНЕ ги комплетираше носителите во сите шест изборни единици, откако претходно потврдено беше дека Христијан Мицкоски ќе биде во првата, Владо Мисајловски во втората, Драган Ковачки во третата, Александар Николоски во четвртата и Дафина Стојаноска во шестата изборна единица.
Во „петката“, на Сајкоски, од СДСМ најверојатно како носител ќе му се спротивстави актуелниот спикер на Собранието, Јован Митрески кој доаѓа од Струга.
Владејачката партија утре на конгрес ќе ги избере носителите, но и сите кандидати за пратеници во сите шест изборни единици. Она што засега е извесно е единствено дека лидерот на партијата Димитар Ковачевски ќе биде носител во првата изборна единица.
