Екс премиерот и претседател на СДСМ, Димитар Ковачевски, бројни министри, министерки, пратеници и пратенички вечерва беа гости на ифтар кај вицепремиерот за економски прашања и потпретседател на СДСМ Фатмир Битиќи.
„Денешниот пост го завршив со Ифтар вечера со дел од пријателите, соработниците и партиските другари. Заеднички се потсетивме на универзалната вистина дека љубовта и добрината немаат граници. Светиот месец Рамазан нè учи на универзалните вредности на емпатија и солидарност, потсетувајќи нè на важноста да се допре до оние на кои им е потребна и да го негуваме чувството за заедништво кај сите луѓе, без разлика на вера или потекло“ напиша Битиќи на социјалните мрежи.
