Утрински Весник
Свет

Писториус: Русите прислушувале воена телеконференција преку интернет во хотел

Picture 214 660x485 1.jpg

Русите пресретнале телеконференција на офицери на германската армија, очигледно со пристап до интернет мрежата во хотелот, изјави денеска германскиот министер за одбрана Борис Писториус. Писториус на прес-конференција во Берлин изјави дека инцидентот со прислушувањето се случил додека еден од воените офицери бил во посета на Сингапур и се приклучил на телеконференција од хотелска соба. Тој нагласи дека комуникациските системи не се загрозени и додаде дека истражителите не откриле безбедносни пропусти во воените комуникациски системи или сервери за податоци.„Телеконференцијата меѓу офицерите на воздухопловните сили можеше да биде прислушувана поради поединечна грешка. Сите учесници не ја следеа процедурата како што е пропишано. Според досегашните сознанија, учесникот во Сингапур бил поврзан преку неовластена врска”, рече Писториус. Тој рече дека, според првичната истрага, воениот офицер се приклучил на телеконференцијата преку необезбедени линии за податоци, јавна интернет конекција на хотелот или мобилна комуникациска мрежа, која била пресретната од Русите. Германската Влада се најде под огромен притисок по скандалот со прислушувањето, бидејќи минатата недела во руските медиуми беше пресретната и објавена дискусија на германски воени офицери за војната во Украина.

Можете да прочитате

Избодени неколку лица во Велика Британија: Меѓу повредените има и деца

Железничка несреќа: Воз излета од шините во близина на Волгоград, сто луѓе се повредени

Дарманен: Екстремисти од крајната левица најверојатно стојат зад саботажата на француската железница