Литванија ќе одземе возила со руски регистарски таблички доколку до 11 март не ја напуштат територијата на земјата, соопшти Царинската управа на Литванија.
Според извештаите, на територијата на Литванија се уште има луѓе кои возат автомобили регистрирани во Русија.
„Тие се обврзани или да ги регистрираат тие автомобили во Литванија до 11 март или да ја напуштат територијата на Европската унија. Оваа мерка нема да важи за сите оние кои транзитираат низ територијата на Литванија на пат кон руската област Калининград.
Возачите ќе имаат 24 часа да ја поминат територијата на Литванија, под услов сопственикот на возилото да биде во автомобилот.
Да потсетиме, Европската Унија им забрани на граѓаните на Руската Федерација да влегуваат на територијата на ЕУ со своите возила, дури и ако се работи за туристичко патување.
