Единаесет лица се пренесени во болница откако избувна пожар во зграда во луксузната лондонска населба Саут Кенсингтон, во југозападен Лондон, во близина на Природонаучниот музеј. Лондонската противпожарна бригада на мрежата Икс објави дека 11 лица биле третирани поради вдишување чад и дека околу 130 жители морале да бидат евакуирани од зградата каде што избувна пожарот. На местото на настанот пристигнале 15 противпожарни возила и околу 100 пожарникари, јавува Би-Би-Си. Еден од пожарникарите изјавил дека пожарот се проширил од приземјето кон горниот кат и покривот. Причината за пожарот засега не е позната.
