Метео анализа на Славчо Поповски:
До крајот на месецов, и во почетокот на март во делови од Балканот и Македонија ќе наврне поголемо количество на дожд, а повеќе врнежи ќе има и во најголем дел од Европскиот Континент, и тоа поради влијанието на веќе најавениот длабок циклон со центар над северна и северозападна Европа…промената на времето ќе започне уште од викендот….
Инаку изминатиов период се соочуваме со недостаток на врнежи, како ние во Македонија, така и во поширокиот регион (Балканот).
Температурите се значително над просекот за овој дел од годината, а натпросечно високи температури на воздухот ќе имаме се до крајот на овој месец, како и на почетокот од март месец, што значи снег очекуваме само на повисоките планини.
Од викендов ќе биде присутен и ветерот од јужен правец, кој ќе биде со засилен интензитет на повеќе места низ Македонија, па и во регионот.
